عشق و معشقة تاني !!!!!!!!!!

ليه باعمل حساب الكل و ماحدش بيعمل حسابي
احزن و اتعذب و اتألم من غير ما أبوح 
حامسك قلمي و كراسي و اقفل عليا بابي
ما دام الكل باعني
حبايبي و اصحابي و أهلي و جيراني 
و كل اللي عشت ليهم زماني
كتير كررت قولة واحدة شاعرة حقيقية
حبي ليكي يا نفسي و لا حبي للحواليا

 
حاولت ابقي معاكو في الفرح و الأشجان  , عملت اللي في ايديا و ساعة ما ندهتلكو ,كنتو عليا اقسي من جمر النيران,أسمر لوني من شمس قسوتكو

حتي أنتي يا حبيبتي
صدقتي الحاسدين الأعادي
قالولك حيقسي و يمشي و يجرح
و ربنا شاهد عمر ده ما كان يبقي حالي
كنت معاكي صوتي ضعيف و هادي
و تقوليلي ما انت صوتك عالي عادي
ايوة عالي بس جوايا قلب حنين رهيف

لازم ابقي معاكي هادي
م انتي اللي  دايماَ في بالي
الحنان من جوة عنيكي نابع
بس ليه روحتي ... و سبتي
أشواقي و دموعي علي قلبك تنادي

ماشي وحدي في إيدي نايي  وباعني الكل من غير مقابل و لا أي حاجة

 كنتِ تقوليلي ما تخافش مش حاسيبك
و كنت أقولك ما تخافيش.

ماعدتش شايف زرقة البحر الهادي
 في لون شالك الموفي 
 عشان مابقاتش ينفع أملي عيني و قلبي و كياني
 من سحر جمال الخالد

بس عارفة لعلمك لسة بردو بحبك 

و ما تزعليش ده القدر و دي حكمة الأقدار
و كفاية عليا سعادتك و ضحكتك اللي بتخرج
من القلب تنور للعالم من شرقه لغربه
و تخرج المهموم من همه
اضحكي للدنيا و انا حابقي مبسوط و طاير
 و اكيد مكانك في القلب فاضل

 وكفاياكي انك خلتيني احب حاجات مكنتش شايفها
حبيت الناس و الاصحاب و الدنيا

و لو كنت قلت ان الكل باعني
سامحيني انا غلطان
بس من الوجع و الألم ما شوفتش اي أمل
بس ما تخافيش لساني حاحب أحب و ماحبش أكره
بحبك. صريحة. انتي انسانة.
 خلقك ربنا.
بس لحد تاني