و ناب عن طيب لقيانا تجافينا
ابن زيدون
مع ان طبعي كئيب
مابستحملش أشوف حُزنك
أوهبلك حتة من كُلي
تفرحي و أدبل
و تبقي نسمة فـــ الهوا
وأصير فاني لكن فرحان
================
أيُّهـا الحُبُّ قَدْ جَرَعْتُ بِكَ الحُزْنَ كُؤُوساً، وَمَا اقْتَنَصْتُ ابْتِغَائي
فَبِحَقِّ الجَمال، يَا أَيّهـا الحُـــبُّ حنانَيْكَ بي! وهوِّن بَلائي
لَيْتَ شِعْري! يَا أَيُّها الحُبُّ، قُلْ لي مِنْ ظَلاَمٍ خُلِقَتَ، أَمْ مِنْ ضِيَاءِ؟
أبو القاسم الشابي
كلامي ليكي .... سمعاني ؟
ماتقوليش
اني لسّاني حابعترلك شوية حُب
و ارسملك قلب
فـــ قلب كُراسي
و أسيب ناسي
و أسكن فيكي
أحلم بيكي
و أصحي بعديها
بقطع جوة الروح ؟؟
حاروح وياكي تفتكري ؟
عشان عينك بتخطفني ؟
ولا عشان حبي لصوت موال
في لـيـل يتقال و يتغزل
في لون طيفك
و نسمة عبيرك
الــ بتدوّخ
ماتقوليش انك بتنهدتِك
و بدلال رمشك فــمشواره
ما بين بصة و التانية
تخليني أرجع أتغزل
في صبية من بنات حــــوا !!!
ماتقوليش إنك هزيتي من جوة
كيان مجروح م اللي فاتو قبلِك
و فاتولي وردة دبلانة جوا كتاب
مابفتحهوش !!
طب ليه مانيش طايق انا بُعدِك ؟! ؟
و ليه بستني فـــ مواعيدِك
كما العطشان في أرضه البور
و مستني المطرة ف عز الصيف
و مانيش عايز اعيش حُبِك
يجوز خايف
عشان القلب متعوّر
و ما املكشي ف روحي مكان لذكري كمان
و قلقان العُمر يتهدر
حالف و أدور و مش حاوصل لغير عشقِك ؟؟؟
يمكن ؟ و مين عارف ؟
يا أكون حابّك , يا أكون واهم
تضغط علي اسمه في قائمة الفريندز عندها
و عاملة نفسها أوفلاين كي تتصدي لمضايقة أو قل تحاول ان تخف من وطأة الكدر و السخط المسببين لصداعها السمج من قبل بعض الأشخاص الموجودين في حياتها و بالتالي موجودين في قائمة اصدقائها
بدأ الحوار من جانبها كالتالي :-
وحشتــــني أوي و بحبك أووووووووويي عندك مانع ؟
هو :
و انا أحبك جداً
و الله يشهد علي ذلك
ليس لدي أدني مانع من أي نوع حبيبتي
هي :
ايوه كده
انتا حبيبي اصلا
هو :
هل من الممكن ان نكمل حياتنا سويا؟؟ً
يجمعنا كوخا ليس بالواسع و ليس بالضيق
؟!
هي : برقة و اقتناع تام
اكيد ممكن طبعا
طول ما حنا مصدقين
يبقي اكيد ممكن
هو :
أليس مستحيلاً ؟
هي :
لا ليس مستحيلا طبعا
هو :
و العقبات التي تقابلنا ؟
هي :
لابد ان نتجاوزها
وبعدين انتا بتكلمني يالنحوي كده ليه ؟؟؟!
هو :
لا استطيع تجاوزها
فإن اباكي سيرفضني لأني بلا ذاكرة و سيرفضني رغم اني أحبك و أخلص لك
ولأني بلا شهادةِ كباقي فتيان المدينة
هي :
مالك يابني يا حبيبي
فيك ايه؟؟
مالك يا حسام ؟؟
هو :
انهم يريدون قتل حبنا ف مهده يا فيرونيكا
جميع سكان المدينة يحذرون اباكي منِيّ
هي :
اه قولتلي
!!!!!
هو :
يزعمون انني مجنون و أبله
حبيبتي هل رأيتي عليّ اي من تلك الأشياء
المزعومة ؟؟
هي مستمرة في مجاراته :
هما اللي مجانين والله .......
هو :
و يقولون اني أسرف في الشراب كثيراً و اني بذلك لن أستطع توفية حقوق منزلنا السعيد
اووووووووه فيرونيكا أنا اعشقك
أكاد أذوب في أطراف شعرك الأسود
و عيناكي المكحلة بكحل الجبل العالي
أكثر أنواع الكحل سحراً
أحقاً تحبينني ؟؟
هي :
حسام يا حبيبي
ارحم نفسك عشان خاطري
هو :
هل تشعرين بدموعي النازفة فوق خدي الأن
؟؟
فيرونيكا , أيتها الطاهرة
كيف أرحم نفسي حبيبتي و لم أجد من رحمني ؟؟
هي : بتغير في صوتها متخذاً بعض الجدية المتوسطة بين الصرامة و الحنان:
؛ــــــــســــام , أنت شارب ؟؟؟؟؟؟؟؟؟؟؟؟؟؟؟؟!!!؟؟؟
هو :
ههههههههههه اه يا قلبي شارب
- و يردد أبيات مجدي نجيب في حسرة -
" شارب قهر الغناوي
خايب يا طبيب مداوي "
هي :
ممكن عشان خاطري تهدي شوية
هو :
يا حبيبتي , مش حتفرق
غياب زي حضور
وجود من عدم
مش فارق
فبلاش لما الدنيا تضحكلنا نرتاح
هي :
انت مُصر تموّت نفسك و تموّتني قبليك
انت ماتعرفش كلامك ده بيعمل فيا ايه ؟
و مش متخيل انا حالتي ايه أصلاً
!!!!!!!!
هو :
أنا أسف ...:(
هي بسرعة :
أسف علي ايه ؟ انت اهبل ؟ حرام بقي بجد لو مش عشانك عشاني يا أخي
هو :
علا , انتي عارفة انت ايه بالنسبالي كويس ؟
و عارفة انا ممكن اعمل ايه عشانك
بس فعلاً أنا وصلت لنهايتي
هي :
بعد الشر عليك
مش حتبطل يأس ؟؟
هو :
و طبعاً أبص لنص الكوباية المليان , أبص لنص الكوباية المليان
أبص لنص الكوباية – الزفت – الملياان
لما الاقي كوباية الأول ....
هي :
حسام هو انت بتحبها أوي كدة ؟؟؟؟؟
هو :
هي أكتر حاجة ممكن تخليني حد تاني
و كتير قالولي ده ضعف
هي : عمر الحب ما كان ضعف !!
هو : أكيد يعني
هو : علا ما أظنش انك محتاجة تسألي السؤال ده عن ( ----)
انتي , أكتر واحدة عارفة انا عملت ايه عشان (----) و حصللي ايه بسببها ؟ و ووصلت لفين ؟؟
و خسرت اد ايه ؟
هي : فقط ساكنة مطرقة رأسها في حزن حابسة دمعها
حتي لا يراها تبكيه .
هو :
هاه يا علا إيه ؟ ماعنديش ضحكة في الجدول قريب ؟
هو مكرراً : في شبه انهيار
طب ردي عليّا
هي : اه عارفة
طب ممكن تهدي بقي ابوس ايديك و النبي تهدي .
حصل جديد طيب أوحش ؟
هو :
اه غالبا زهقت
او مضطر أموت بلحسة كرامة
أصل بعد كل ده
عايزاني أقتنع ان ممكن نتعامل
كأصحاب قريبييين أوي من بعض
طب إزااااي ؟؟؟
هي : مابقتش قادرة أفهم هي عايزة ايه ؟
هو : ولا أنا و حياتك
هو : و الجميل اني أجي اسألها وبعدين ؟
ترد عليا بمنتهي الثقة و هدوء الأعصاب اللي مش عارف منين ؟
و تقولي مين عارف بكرة فيه ايه ؟
مين عارف كمان تلات اربع سنين ايه ممكن يحصل؟؟!!
هي : فعلاً !!!
هو : أينعم
هي : و مطلوب منك انك تفضل في حالتك دي لغاية
ما هي انشاءالله تاخد قرارها من الاتحاد السوفيتي
اللي مش موجود أصلاً
هو : ممسكاً رأسه بيده اليسري)
مش قادر أتكلم أكتر من كدة
حاروح أتخمد
