الرفرفة السعيدة المسرورة :)

نسمة هواء عليل تثلج الصدر تنعش الروح , الكون جميل و النيل بقي الف نيل يا وجيه يا عزيز يا استاذنا الحمدلله.
نور الشمس ساطعَ و أري في الأفق أمل منير, 
و علي ذكر منير الملك المتوج علي عرش الفن الصح أوي و هو الذي يتعامل مع الأغنية بمنطق محترف المحترف (كما جاء علي لسانه ) فقد قال الملك و شدا بصوته العذب و في فضاء روحي انطلق """ اخرج من البيبان الحر الضيقة , الكون صابح جميل و الدنيا مروقة.
نعم و الله الدنيا مروقة يا منير قلبي بصوتك اللي ما يتوصفش و لا روحك الجميلة العالية في السما .
أن تكون سعيداَ في ذلك الوقت الذي غابت فيه الأبتسامة عن الوجوه السعيدة _ بالفطرة _ فذلك شيئ غير مألوف, أما كونك في قمة التحليق و الطيران و الرفرفة المسرورة السعيدة فذلك أمر بيس جداَ PEACE YA M3LM .

 و يعد كونك سعيداَ بذلك القدر الذي أنا فيه الأن فتلك هي السباحة ضد التيار , و إيه يعني؟؟؟؟!! خلينا نغلب التيار الساري كالموج بين البشر 
كُن جَميلاً تري الوجود جميلاَ اه و الله حكمة شعرية بالغة , و صدق الشاعر القائل و تحية كبيرة ليه بجد فاهم يا جدعان امال ايه ؟

لا تدع الحزن يسيطر عليك , دع همومك و ارميها في اقرب ثراش كان علي رأي هيما الي هوا انا , اغمض عينيك و ارخي راسك للوراء تخيل نفسك في جنة خضراء يحيطك زقزقة الطيور المغردة بأعذب ألحان و ألوانها مبهجة بقدر مبهج و أمام ناظريك بحر زرقاءٌ مياهه صافية لا يعكر صفوها شائبة, مياهه شفافة بقدر ما ستصبح روحك شفافة بعد قليل .
اندمج مع المكان و ارسم نخلتين يضللو عليك و من تحت قدميك رمال بيضاء ملساء ناعمة تغري قدميك بالغوص فيها و هي تتمشي بين اصابع قدميك و تتخللها, تشعر بذلك كله , و تتنسم نسيم البحر و تذكر حبيبتك الجميلة الطاهرة التي ترغي عنها و تزبد و تطنب و تطيل , و اثناء استحضار صورتها في مخيلتك و الحاضرة بطبيعة الحال و جاهزة تترنم بأغنيتها المفضلة و التي تحباها معاَ و تعشقاها """ انا بعشق البحرزيك يا حبيبي حنون
ساعات زيك حيران وساعات زيك زعلان وساعات مليان بالصمت انا بعشق البحر """""
, و حتي لو كانت حبيبتك سابتك افتكر لها أحلي ذكريات عشتوها مع بعض و لو لم تكن موجودة من الأصل( حبيبتك مش الذكريات  ) تخيلها يا أخي يعني رسمت كل الجمال الساحر ده و مش عارف ترسم فتاة أحلامك
و ما تقوليش اديك بتقول فتاة أحلامي يعني استحالة تتحقق 
لأ بقولك انا اهه احلم بس انت و حتجيلك اسمع مني و بعدين يا اخي انت نسيت
لو عدينا مرة خلاص
لو ردينا ضاع الخلاص
حبة صبر.. حبة حماس
يبقى الحلم
صورة
و
صوت

لو بطلنا نحلم نموت

حضن فى غربة ملمس مثير
بعد مشاغبة هترقلك
مرة فى مرة حاول كتير
اى مغامرة راح تنفعك

لو بطلنا نحلم نموت

رقصة شهية هيه الحياة
دى العشوقية والمعشقة
مرة فى مرة حلمك هواه
يملى الدنيا بالزقزقة
ويبقى الحلم
صورة
و
صوت

لو بطلنا نحلم نموت
لو عاندنا نقدر نفوت
في الجنة الخضرا انت مروق و جنبك كوباية عصير التروبيكال فروت بقي و مزتك جنبك خمسة و خميسة ما بنقرش انا السويت اللي جنبك يعني  و الدنيا بيس و اخر الاجة .
"جامعة يا أستاذ ياااااااا باااااااااشمهندزز , يلا ما تعطلناش يا أخي يا فتاح يا عليم يا رزاق يا كريم. " تفيق من حلمك الوردي الرائع علي صوت التباع في الميني باص رايح فين استني يا معلم انا ماوجعتش ايدي كل ده عشان تقلبلي خلقتك كده
اوعي تحرق دمك خالص قله " صباح الفل يا معلم نهارك قشطة" و ما تستناش منه حاجة او اي كلمة و عيش حلاوة حلمك و روح شغلك او كليتك او مدرستك و انت بتفكر في البحر بتاعك و انت حتنجز بالسعادة الللي دبت في اوصالك و ماتنساش الدنيا لو جارحة لونها لون فرحة ماهو ايه بيطول عمر الواحد غير الفرحة الدنيا بكل ما فيها عيش فيها احلى مافيها اختار اللحظة الحلوة واللحظة المرة ارميها ...

صباح الفل
PeAcE


7:00 AM